باغ جنت کے بہر مدح خوان اہل بیت

 باغ جنت کے ہیں بہر مدح خوان اہل بیت

تم کو مژدہ نار کا اے دشمنان اہل بیت 

کس زباں سے ہو بیاں عِزّ و شان اہل بیت

مدح گوئے مصطفےٰ ہے مدح خوان اہل بیت

ان کی پاکی کا خدائے پاک کرتا ہے بیاں

آیۂ تطہیر سے ظاہر ہے شان اہل بیت

ان کے گھر میں بےاجازت جبرئیل آتے نہیں 

قدر والے جانتے ہیں قدر شان اہل بیت

تیری قدرت جانور تک آب سے سیراب ہوں

پیاس کی شدت میں تڑپے بے زبانِ اہل بیت

گھر لٹانا جانِ دینا کوئی تجھ سے سیکھ جائے 

جان عالم ہو فدا اے خاندان اہل بیت

دولت دیدار پائی پاک جانیں بیچ کر 

کربلا میں خوب چمکی دکان اہل بیت

زخم کھانے کو تو آبِ تیغِ پینے کو دیا

خوب دعوت کی بلا کر دشمنان اہل بیت 

اہل بیت پاک سے گستاخیاں بے باکیاں 

لَعْنَةُ اللّٰهِ عَلَیْکُم دشمنان اہل بیت

بے ارب گستاخ قرقہ کو سنا دے اے حسن 

یوں کہا کرتے ہیں سنی داستانِ اہل بیت

طالب دعا محمد انعام خان قادری