ہم خاک ہیں اور خاک ہی ماوا ہے ہمارا

ہم خاک ہیں اور خاک ہی ماوا ہے ہمارا

خاکی تو وہ آدم جَدِ اعلٰی ہے ہمارا

اللّه ہمیں خاک کرے اپنی طلب میں

یہ خاک تو سرکار سے تَمغا ہے ہمارا

جس خاک پہ رکھتے تھے قدم سیدِ عالم

اُس خاک پہ قرباں دلِ شیدا ہے ہمارا 

خَم ہو گئ پشت فلک اس طعنِ زمیں سے

سن ہم پہ مدینہ ہے وہ رتبہ ہے ہمارا 

اس نے لقبِ خاک شہنشاہ سے پایا

جو حیدر کَرّار کہ مولٰی ہے ہمارا

اے مُدّعِیو! خاک کو خاک نہ سمجھے

اس خاک میں مردوں شَہِ بطحا ہے ہمارا

ہے خاک سے تعمیر مزارِ شَہِ کونین

معمور اِسی خاک سے قبلہ ہے ہمارا 

ہم خاک اُڑائیں گے جو وہ خاک نہ پائ 

آباد رضا جس پہ مدینہ ہے ہمارا 

طالب دعا محمد انعام خان قادری